༄༅། །རིག་རིག་མིག་གིས་མངོན་པ་ཐོག་མ་ཐོག་མ།།
སྙན་སྙན་གཅེས་མིང་འཚེར་མེད་ཐད་ཀར་ཐད་ཀར།།
འཛེམས་མེད་ཁྱེད་ལ་དྲིས་པའི་ཉིན་མོ་དེ་ཀོ།
པར་སྐྲུན་འཕྲུལ་ཁང་དེ་ཡི་ནང་ལོགས་རེད་ཡ།།
གཡོ་མེད་དྲང་གཏམ་ལྷད་མེད་འཛུམ་གྱིས་དྲངས་ཏེ།།
ཐོག་མའི་གླེང་མོལ་བྱུང་བའི་ཉིན་མོ་དེ་ན།།
བདག་གིས་བྲིས་པའི་འཁྱག་འཁྱོག་ཡི་གེའི་གཟུགས་ལ།།
བསྟོད་པའི་འདྲེན་བྱེད་གཡོ་མཁན་ཁྱེད་རང་རེད་ཡ།།
ཁྱེད་ཀྱིས་ང་དང་ཕྲད་པའི་ཉིན་མོ་དེ་ན།།
ང་ཡི་གནས་ཚུལ་དྲིས་པའི་ལན་འདེབས་ཁྲོད་ནས།།
ང་རང་སློབ་ཕྲུག་ཅིག་གི་ཡིན་རབས་བརྗོད་དུས།།
དོགས་མེད་བདེན་གཏམ་འཛིན་མཁན་ཁྱེད་རང་རེད་ཡ།།
འགྲམ་དུ་པར་འདེབས་གྲོགས་ཀྱིས་བགད་མོ་དགོད་ཀྱིན།།
ད་ལོ་ཁྱེད་ཅག་རྣམས་ཀྱི་དགེ་རྒན་ཡིན་ཞེས།།
བདག་གི་ངོ་སྤྲོད་ཐོག་མ་ཁྱེད་ལ་བྱེད་སྐབས།།
ངོ་ཚས་ཞལ་མདོག་གྱུར་བ་ཁྱེད་རང་རེད་ཡ།།
ཁ་གསངས་གཤིབ་ལ་བདེ་བའི་ངང་ཚུལ་དེ་དང་།།
ལྕེ་བདེ་སྨྲ་ལ་མཁས་པའི་གཤིས་ཀ་གཉིས་ལ།།
ལྷད་མེད་ཕྲུ་གུ་ཞིག་གི་བག་ཆགས་ཟབ་པ།།
བདག་གིས་ཁྱེད་ལ་མཐོང་བའི་ཡོན་ཏན་རེད་ཡ།།
མཛེས་སྡུག་སློབ་གླིང་དེ་ན་ཐོག་མ་འབྱོར་དུས།།
རྒྱལ་སྒོ་ཆུང་ཆུང་དེ་ཡི་མདུན་ཟུར་ཞིག་ནས།།
ཕན་ཚུན་འདྲིས་བཤིབས་ཆེ་བའི་ངང་ཚུལ་ལྷན་དུ།།
ཐོག་མའི་སྣེ་ལེན་བྱེད་པོ་ཁྱེད་རང་རེད་ཡ།།
བདག་གིས་མི་ཚེའི་ནང་གི་འགན་འཁྲི་ཐོག་མ།།
གཡེལ་མེད་དགེ་རྒན་ཞིག་གི་སྲི་ཞུ་སྒྲུབ་དུས།།
ཉམ་ཆུང་དགེ་ཕྲུག་ཅིག་གི་ས་ཆ་དེ་ནས།།
བློ་རིག་རྣམ་དཔྱོད་བཀྲ་བ་ཁྱེད་རང་རེད་ཡ།།
འདྲིས་ཀྱིན་འདྲིས་ཀྱིན་ཕན་ཚུན་བརྩི་བཀུར་ཆེ་ཆེ།།
གཤིབ་ཀྱིན་གཤིབ་ཀྱིན་ཕན་ཚུན་ཡིད་ཆེས་བརྟན་བརྟན།།
འགྲོག་གིན་འགྲོག་གིན་ཕན་ཚུན་དུང་བ་ཟབ་ཟབ།།
ང་ཡི་ལས་ལ་བསྐོས་པའི་སྲིང་མོ་རེད་ཡ།།
ངེས་མེད་མི་ཚེ་འདི་ཡི་ཀྱོག་མཚམས་རེ་རེར།།
རྒྱུས་མེད་སྐྱིད་སྡུག་ཅིག་གི་གཏམ་རྒྱུད་རིང་མོ།།
གསང་མེད་ལབ་གླེང་བྱེད་སའི་གྲོགས་མོ་ལོ་ལོ།།
མི་ཚེ་ཐུང་ཐུང་འདི་ཡི་སྐྱོ་རོགས་རེ་ཡ།།
མི་འདོད་ནད་རིགས་ཤིག་གིས་བདག་ལ་གཙེས་དུས།།
བཟོད་མེད་སེམས་ཁྲལ་ཞིག་གིས་གམ་དུ་ལྷགས་ཏེ།།
ལུས་སེམས་ལྷོད་ལ་འབེབས་པའི་སྨན་པ་ཆེན་མོ།།
བདག་ལ་སྙིང་ནས་བརྩེ་བའི་གཅུང་མོ་རེད་ཡ།།
སེམས་པ་སྡུག་གིས་མནར་བའི་དཀའ་ཚེགས་ཡོད་རྒུ།།
སྙིང་གཏམ་དབྱངས་སུ་གྱེར་པའི་གླུ་སྐད་སྙན་མོས།།
བློ་ཁམས་བདེ་ལ་འདྲེན་པའི་གྲོགས་མོ་ཆུང་ཆུང་།།
འབྲལ་མེད་སེམས་ལ་སྦྱར་པའི་སྙིང་སྡུག་རེད་ཡ།།
དམར་ཆུང་སེམས་པ་གཉིས་པོ་གཅིག་དུ་དྲིལ་བའི།།
ཕན་ཚུན་བརྩེ་བའི་དུང་བ་ཇེ་ཟབ་ཡིན་ཡང་།།
ཉི་མ་རེ་རེ་བཞིན་དུ་ཕར་ལ་བཞུད་ཀྱིན།།
འདི་སྣང་ཁ་བྲལ་སྐྱོ་བའང་ཇེ་ཉེ་རེད་ཡ།། སྤྱི་ལོ་ཟླ་ཚེས་ ༢༠༡༤-༠༡-༠༩ ཉིན།
སྙན་སྙན་གཅེས་མིང་འཚེར་མེད་ཐད་ཀར་ཐད་ཀར།།
འཛེམས་མེད་ཁྱེད་ལ་དྲིས་པའི་ཉིན་མོ་དེ་ཀོ།
པར་སྐྲུན་འཕྲུལ་ཁང་དེ་ཡི་ནང་ལོགས་རེད་ཡ།།
གཡོ་མེད་དྲང་གཏམ་ལྷད་མེད་འཛུམ་གྱིས་དྲངས་ཏེ།།
ཐོག་མའི་གླེང་མོལ་བྱུང་བའི་ཉིན་མོ་དེ་ན།།
བདག་གིས་བྲིས་པའི་འཁྱག་འཁྱོག་ཡི་གེའི་གཟུགས་ལ།།
བསྟོད་པའི་འདྲེན་བྱེད་གཡོ་མཁན་ཁྱེད་རང་རེད་ཡ།།
ཁྱེད་ཀྱིས་ང་དང་ཕྲད་པའི་ཉིན་མོ་དེ་ན།།
ང་ཡི་གནས་ཚུལ་དྲིས་པའི་ལན་འདེབས་ཁྲོད་ནས།།
ང་རང་སློབ་ཕྲུག་ཅིག་གི་ཡིན་རབས་བརྗོད་དུས།།
དོགས་མེད་བདེན་གཏམ་འཛིན་མཁན་ཁྱེད་རང་རེད་ཡ།།
འགྲམ་དུ་པར་འདེབས་གྲོགས་ཀྱིས་བགད་མོ་དགོད་ཀྱིན།།
ད་ལོ་ཁྱེད་ཅག་རྣམས་ཀྱི་དགེ་རྒན་ཡིན་ཞེས།།
བདག་གི་ངོ་སྤྲོད་ཐོག་མ་ཁྱེད་ལ་བྱེད་སྐབས།།
ངོ་ཚས་ཞལ་མདོག་གྱུར་བ་ཁྱེད་རང་རེད་ཡ།།
ཁ་གསངས་གཤིབ་ལ་བདེ་བའི་ངང་ཚུལ་དེ་དང་།།
ལྕེ་བདེ་སྨྲ་ལ་མཁས་པའི་གཤིས་ཀ་གཉིས་ལ།།
ལྷད་མེད་ཕྲུ་གུ་ཞིག་གི་བག་ཆགས་ཟབ་པ།།
བདག་གིས་ཁྱེད་ལ་མཐོང་བའི་ཡོན་ཏན་རེད་ཡ།།
མཛེས་སྡུག་སློབ་གླིང་དེ་ན་ཐོག་མ་འབྱོར་དུས།།
རྒྱལ་སྒོ་ཆུང་ཆུང་དེ་ཡི་མདུན་ཟུར་ཞིག་ནས།།
ཕན་ཚུན་འདྲིས་བཤིབས་ཆེ་བའི་ངང་ཚུལ་ལྷན་དུ།།
ཐོག་མའི་སྣེ་ལེན་བྱེད་པོ་ཁྱེད་རང་རེད་ཡ།།
བདག་གིས་མི་ཚེའི་ནང་གི་འགན་འཁྲི་ཐོག་མ།།
གཡེལ་མེད་དགེ་རྒན་ཞིག་གི་སྲི་ཞུ་སྒྲུབ་དུས།།
ཉམ་ཆུང་དགེ་ཕྲུག་ཅིག་གི་ས་ཆ་དེ་ནས།།
བློ་རིག་རྣམ་དཔྱོད་བཀྲ་བ་ཁྱེད་རང་རེད་ཡ།།
འདྲིས་ཀྱིན་འདྲིས་ཀྱིན་ཕན་ཚུན་བརྩི་བཀུར་ཆེ་ཆེ།།
གཤིབ་ཀྱིན་གཤིབ་ཀྱིན་ཕན་ཚུན་ཡིད་ཆེས་བརྟན་བརྟན།།
འགྲོག་གིན་འགྲོག་གིན་ཕན་ཚུན་དུང་བ་ཟབ་ཟབ།།
ང་ཡི་ལས་ལ་བསྐོས་པའི་སྲིང་མོ་རེད་ཡ།།
ངེས་མེད་མི་ཚེ་འདི་ཡི་ཀྱོག་མཚམས་རེ་རེར།།
རྒྱུས་མེད་སྐྱིད་སྡུག་ཅིག་གི་གཏམ་རྒྱུད་རིང་མོ།།
གསང་མེད་ལབ་གླེང་བྱེད་སའི་གྲོགས་མོ་ལོ་ལོ།།
མི་ཚེ་ཐུང་ཐུང་འདི་ཡི་སྐྱོ་རོགས་རེ་ཡ།།
མི་འདོད་ནད་རིགས་ཤིག་གིས་བདག་ལ་གཙེས་དུས།།
བཟོད་མེད་སེམས་ཁྲལ་ཞིག་གིས་གམ་དུ་ལྷགས་ཏེ།།
ལུས་སེམས་ལྷོད་ལ་འབེབས་པའི་སྨན་པ་ཆེན་མོ།།
བདག་ལ་སྙིང་ནས་བརྩེ་བའི་གཅུང་མོ་རེད་ཡ།།
སེམས་པ་སྡུག་གིས་མནར་བའི་དཀའ་ཚེགས་ཡོད་རྒུ།།
སྙིང་གཏམ་དབྱངས་སུ་གྱེར་པའི་གླུ་སྐད་སྙན་མོས།།
བློ་ཁམས་བདེ་ལ་འདྲེན་པའི་གྲོགས་མོ་ཆུང་ཆུང་།།
འབྲལ་མེད་སེམས་ལ་སྦྱར་པའི་སྙིང་སྡུག་རེད་ཡ།།
དམར་ཆུང་སེམས་པ་གཉིས་པོ་གཅིག་དུ་དྲིལ་བའི།།
ཕན་ཚུན་བརྩེ་བའི་དུང་བ་ཇེ་ཟབ་ཡིན་ཡང་།།
ཉི་མ་རེ་རེ་བཞིན་དུ་ཕར་ལ་བཞུད་ཀྱིན།།
འདི་སྣང་ཁ་བྲལ་སྐྱོ་བའང་ཇེ་ཉེ་རེད་ཡ།། སྤྱི་ལོ་ཟླ་ཚེས་ ༢༠༡༤-༠༡-༠༩ ཉིན།
