༄༅། །བདེན་རྫུན་གཉིས་ཀས་དབང་སྒྱུར་བྱས་པའི།།
ངོ་དེབ་ཅེས་པའི་འཇིག་རྟེན་འདི་ན།།
ཕ་སྐད་གཙང་མའི་གླེང་ཕྱོགས་ཤིག་ནས།།
ངོ་སོ་མཐོ་བའི་གོ་ས་བཟུང་སྟེ།།
སུ་དང་གང་ལའང་སོམ་ཉིའི་རྒྱ་རུ།།
ཡང་ཡང་འཛུད་པའི་འཁྲུལ་སྣང་བཀོད་པ།།
རྫོགས་མེད་འགོད་པའི་སྒྱུ་འཕྲུལ་བདག་མོར།།
སྲིང་མོ་ཞིག་གི་གོ་གནས་ཕུལ་ཡོད།།
རྒྱུ་མཚན་འགའ་ཡིས་བདག་གི་བློ་ངོར།།
ཁྱེད་རང་འདི་ཞེས་ངོས་འཛིན་རན་དུས།།
ཁྱེད་ཀྱིས་བཀོད་པའི་འཁྲུལ་སྣང་ཀློང་དུ།།
ཉེ་འཁོར་གྲོགས་ཀྱིས་བདག་ལ་དོགས་ནས།།
ངོ་དེབ་ཅེས་པའི་འཇིག་རྟེན་འདི་ན།།
ཕ་སྐད་གཙང་མའི་གླེང་ཕྱོགས་ཤིག་ནས།།
ངོ་སོ་མཐོ་བའི་གོ་ས་བཟུང་སྟེ།།
སུ་དང་གང་ལའང་སོམ་ཉིའི་རྒྱ་རུ།།
ཡང་ཡང་འཛུད་པའི་འཁྲུལ་སྣང་བཀོད་པ།།
རྫོགས་མེད་འགོད་པའི་སྒྱུ་འཕྲུལ་བདག་མོར།།
སྲིང་མོ་ཞིག་གི་གོ་གནས་ཕུལ་ཡོད།།
རྒྱུ་མཚན་འགའ་ཡིས་བདག་གི་བློ་ངོར།།
ཁྱེད་རང་འདི་ཞེས་ངོས་འཛིན་རན་དུས།།
ཁྱེད་ཀྱིས་བཀོད་པའི་འཁྲུལ་སྣང་ཀློང་དུ།།
ཉེ་འཁོར་གྲོགས་ཀྱིས་བདག་ལ་དོགས་ནས།།
ཁྱེད་དང་ང་གཉིས་གཅིག་ཏུ་སྒྲུབ་པའི།།
གཏན་ཚིགས་ཕུང་པོ་མདུན་ལ་སྤུངས་ཤིང་།།
ཧབ་ཆ་དིར་རེ་བདག་ལ་དགོད་དུས།།
ཆོ་འཕྲུལ་བདག་མོའི་གོ་གནས་ཕུལ་ཡོད།།
ཁྱེད་ཀྱིས་ངོམ་པའི་སྨྱུག་རྩལ་རེ་རེར།།
ཞིབ་འདང་བརྒྱབས་པའི་མཇུག་སྡོམ་བར་ནས།།
ང་དང་ཁྱེད་གཉིས་གཅིག་ཏུ་འཁྲུལ་པའི།།
གྲོགས་པོ་ཁོང་ལ་ཁག་ཅིག་མེད་པས།།
ཟུར་དང་ཟུར་ནས་བདག་ལ་དོགས་ཀྱིན།།
བདག་གི་གདོང་ལ་ཁྱེད་རང་མངོན་དུས།།
ཁྱེད་ལ་འཕང་རྒྱུའི་ཟུར་མིག་དེ་ཡང་།།
དེ་རིང་ཁ་སང་བདག་ལ་ཕྱོགས་ཡོད།།
ཧ་ཧ་ཧ་
