སྨོན་ལམ་ཚིག་གསུམ་གྱི་སྐྱེལ་མ།

༄༅། །ཨོཾམཎིཔདྨེཧཱུཾཧྲཱིཿ སྔོན་གྱི་ལས་སམ་གློ་བུར་རྐྱེན་དབང་ལས། །ཚེ་འདིའི་འཕེན་པ་དུས་མིན་རྫོགས་པ་ན། །བདག་དང་བདག་འདྲའི་སེམས་ཁམས་སྐྱོ་སྣང་གིས། །ཡོངས་སུ་ཁེངས་ཀྱང་འདི་ལ་སངས་ཐབས་ཅི། །ད་ནི་ཁྱེད་རང་བར་དོའི་འཕྲང་ལམ་ནས། །ཕྱི་མའི་ཡུལ་ཁམས་ཁེར་རྐྱང་འགྲིམ་པའི་དུས། །རྩ་གསུམ་ཀུན་འདུས་རྗེ་བཙུན་བླ་མ་ལ། །གསོལ་བ་འདེབས་ཀྱིན་ཕེབས་ཨ་སྲིང་ཆུང་མ། །འདི་ནས་བདག་དང་དམ་གཙང་མཆེད་ལྕམ་གྱིས། །མུ་མེད་ཐག་རིང་ཕྱི་མའི་འཇིག་རྟེན་ན། །ཁྱེད་ལ་གཅིག་ཏུ་ཕན་པའི་རྣམ་དཀར་དཔལ། །ཡོད་རྒུའི་དགེ་རྩ་གྲོགས་སུ་བརྫངས་ཡོང་ངོ་། །བདག་ཅག་ཁྱེད་ལ་ཞེན་ཅིང་འཁྲེང་ན་ཡང་། །ཁྱེད་རང་སྲིད་པའི་ཆོས་ལ་ཞེན་མེད་ངང་། །རྒྱལ་བ་རྒྱ་མཚོའི་ཐུགས་རྗེའི་འོད་སྣང་དང་། །འབྲལ་མེད་བདེ་བར་བཞུད་ཨ་སྲིང་ཆུང་མ། །སྐྱེ་མཐའ་འཆི་བའི་ལྡོག་མེད་ཆོས་ཉིད་འདིས། །གནས་སྐབས་ཁྱེད་དང་རྒྱང་རིང་གྱུར་ན་ཡང་། །༸སྐྱབས་གཅིག་གྲུབ་དབང་བླ་མའི་སྐྱབས་འོག་ཏུ། །ཚུད་ཅིང་དཀྱིལ་འཁོར་གཅིག་ཏུ་དབང་བའི་མཐུས། །སླར་ཡང་རང་རེ་མུ་མེད་འཇིག་རྟེན་ནས། །སྐྱེ་བའི་སྐྱེ་བར་ཡང་ཡང་མཇལ་བ་དང་། །ལྷན་ཅིག་དམ་ཆོས་བདུད་རྩིའི་དཔལ་ཡོན་ལ། །སྤྱོད་པའི་སྐལ་བཟང་ཡང་ཡང་འཐོབ་པར་ཤོག །ཚེ་རབས་སྐྱེ་བའི་ཕྲེང་བ་རྣམ་ཀུན་ཏུ། །མཚུངས་མེད་རྗེ་བཙུན་བླ་མའི་སྐྱབས་འོག་ནས། །རྡོ་རྗེའི་སྲིང་ཆུང་ཁྱེད་དང་འབྲལ་མེད་ངང་། །མཐའ་ཡས་འགྲོ་བའི་དོན་ལ་བརྩོན་ནུས་ཤོག། །།

    བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ཨོཾམཎིཔདྨེཧཱུཾཧྲཱིཿ། ཨོཾཨཱཿཧཱུཾབཛྲགུརུཔདྨསིདྡྷིཧཱུཾ། ཨོཾབཛྲསཏྟྭཧཱུཾ། ༸རྗེ་བཙུན་གྲུབ་དབང་བླ་མ་མཁྱེན། ༸རྗེ་བཙུན་གྲུབ་དབང་བླ་མ་མཁྱེན། ༸རྗེ་བཙུན་གྲུབ་དབང་བླ་མ་མཁྱེན། ཨོཾདྷརེདྷརེབྷནྡྷརེབྷནྡྷརེསྭཱཧཱ། དགེ་བ་སྟོབས་ཆེ་བར་གྱུར་ཅིག །སྨོན་ལམ་མཐུ་བཙན་པར་གྱུར་ཅིག །སྡིག་པ་འདག་སྐྱེན་པར་གྱུར་ཅིག །ཛཡཛཡ། སིདྡྷིསིདྡྷི། ཕལཕལ། འཿཨཿཧཿཤཿསཿམཿ། མམཀོལིངསམནྟ། སྤྱི་ལོ་ཟླ་ཚེས་ ༢༠༢༢-༠༦-༢༠ སྔ་དྲོའི་ཆར།